Biz haqimizda
"Omon School" maktabi o'z faoliyatida bir qator asosiy qadriyatlarga tayanadi. Bu qadriyatlar bizning ta'lim falsafamizni, o'qitish uslubimizni va maktab muhitini belgilaydi.
Qadriyatlarimiz haqida
"Omon School" maktabi o'z faoliyatida insoniy, ma'naviy va kasbiy qadriyatlarga asoslanadi. Biz nafaqat bilimli, balki ma'naviy jihatdan yetuk, vatanparvar va global fikrlaydigan avlodni tarbiyalashni maqsad qilganmiz.
Bizning qadriyatlarimiz maktabimizning har bir jihatida - o'quv dasturlarida, o'qitish uslublarida, o'qituvchilar va o'quvchilar o'rtasidagi munosabatlarda, maktab muhitida namoyon bo'ladi. Bu qadriyatlar bizning maktabimizni o'ziga xos va alohida qiladi.
Bizdagi imkoniyatlar
"Omon School" maktabi o'z faoliyatida quyidagi asosiy quidagi imkoniyatlar mavjud.
Halol Oshxona
Omon School o‘quvchilari uchun sog‘lom va halol ovqatlanish tizimi yo‘lga qo‘yilgan. Oshxonamizda tayyorlanadigan barcha taomlar sertifikatlangan mahsulotlardan tayyorlanib, gigiyena qoidalariga qat’iy rioya qilinadi.
Tutor Tizimi
Har bir o‘quvchining bilim darajasini yaxshilash va individual yondashuvni ta’minlash uchun tutorlik tizimi joriy qilingan. O‘quvchilarimiz murabbiylari bilan qo‘shimcha mashg‘ulotlar orqali bilimlarini mustahkamlash imkoniyatiga ega.
Kuzatuv Kameralari
Maktab hududida xavfsizlikni ta’minlash maqsadida barcha muhim joylarga kuzatuv kameralari o‘rnatilgan. Bu tizim ota-onalarga farzandlarining maktabdagi harakatlarini nazorat qilish imkonini beradi.
Xavfsizlik Xodimlari
O‘quvchilarimizning xavfsizligi biz uchun eng muhim jihatlardan biri. Shu sababli, maktabimiz hududida malakali xavfsizlik xodimlari faoliyat yuritib, tartib va xavfsizlikni ta’minlaydi.
Imtihon va Tahlil
Har oyda va har chorakda o‘quvchilarning bilim darajasi sinovlardan o‘tkaziladi. Ushbu imtihon natijalari har bir ota-ona bilan alohida tahlil qilinib, o‘quvchilarning o‘sishi va rivojlanishi bo‘yicha tavsiyalar beriladi.
Logistika
Omon School o‘quvchilarining maktabga kelishi va qaytishi uchun maxsus transport xizmatlari tashkil etilgan. Bu xizmat farzandingizning yo‘l xavfsizligini ta’minlashga qaratilgan.
OMON SCHOOL – MAKTABDA RUXSAT BERILMAYDIGAN HOLATLAR
Omon School o'quvchilar uchun bilim olishiga to'sqinlik qiladigan har qanday narsalar mumkin emas!
Telefon ishlatish mumkin emas
Boshlang‘ich sinf o‘quvchilari uchun telefon va qo‘shimcha qurilmalar (aqlli soatlar, simsiz quloqchinlar va h.k.) olib kelish taqiqlanadi.
Qo‘shimcha ovqat olib kelish mumkin emas
Sanitariya va oziq-ovqat xavfsizligi sababli maktabga tashqaridan taom olib kelish taqiqlanadi.
Bezorilik qilish mumkin emas
Har qanday jismoniy, og‘zaki yoki onlayn bezorilik qat’iyan man etiladi. O‘quvchilar o‘zaro hurmat va sog‘lom muhitda bo‘lishi shart.
Sovg‘a berish mumkin emas
Maktab xodimlari va o‘qituvchilarga sovg‘a berish taqiqlanadi. Bu ta’lim jarayonining shaffofligini ta’minlash va o‘quvchilar o‘rtasida tenglikni saqlash uchun joriy qilingan.
Qadriyatlarimiz amalda
"Omon School" maktabida qadriyatlarimiz qanday amalda namoyon bo'lishini ko'rib chiqamiz.
O'quv jarayonida
Shaxsga yo'naltirilgan ta'lim
Har bir o'quvchining individual qobiliyatlari va o'rganish uslubini hisobga olgan holda ta'lim beramiz.
Amaliy ta'lim
Nazariy bilimlarni amaliyot bilan bog'lash orqali o'quvchilarning bilimlarini mustahkamlaymiz.
Tanqidiy fikrlash
O'quvchilarni tanqidiy fikrlashga va mustaqil qarorlar qabul qilishga o'rgatamiz.
Ijodiy yondashuv
O'quvchilarning ijodiy fikrlashini rivojlantirishga alohida e'tibor qaratamiz.
Maktab muhitida
Xavfsiz va qo'llab-quvvatlovchi muhit
Maktabimizda har bir o'quvchi o'zini xavfsiz va qo'llab-quvvatlanayotgan his qilishi uchun barcha sharoitlarni yaratamiz.
Inklyuziv ta'lim
Har qanday kelib chiqishi, qobiliyati va ehtiyojlari bo'lgan o'quvchilar uchun teng imkoniyatlar yaratamiz.
Jamoaviy ruh
O'quvchilar o'rtasida jamoaviy ruhni shakllantirish va bir-birini qo'llab-quvvatlashga o'rgatamiz.
Madaniy xilma-xillik
Turli madaniyatlarni hurmat qilish va ulardan o'rganishga o'rgatamiz.
Omon Schooldagi Sun’iy Intellekt Darslari
Kelajak kasblariga tayyorgarlik
AI bugungi va kelajakdagi eng muhim texnologiyalardan biri bo‘lib, IT va muhandislik sohalarida muhim rol o‘ynaydi.
Yangi texnologiyalar bilan ishlash
O‘quvchilar zamonaviy dasturiy ta’minot va vositalardan foydalanish ko‘nikmalariga ega bo‘lishadi.
Ijodiy fikrlash va innovatsion yondashuv
Sun’iy intellekt orqali o‘quvchilar ijodiy fikrlash va muammolarni hal qilish bo‘yicha noyob usullarga ega bo‘lishadi.
Maktab o'quvchilari uchun maktab avtobuslari
Avtobus haqida
O'quvchilarni o'z vaqtida va qulay tarzda maktabga kelib ketishini ta'minlash uchun SAZ NP 26 avtobusi harakatlanadi.
Qatnov jadvali
Har bir avtobusning qatnov jadvali va marshrutlari har 6 oyda tasdiqlanadi.
Sig'imi
Avtobusning yo'lovchi sig'imi: 37 nafar o'quvchini bemalol olib yura oladi.
Sayohat
Maktab sayohatlari bolalar ta’limining muhim qismidir va biz bolalarning ta’lim olishini va ijtimoiy rivojlanishini yaxshilashga intilamiz.
Shaxs rivojlanishi
"Omon School" maktabida biz nafaqat akademik bilimlarni, balki o'quvchilarning shaxsiy sifatlarini ham rivojlantirishga katta e'tibor qaratamiz.
Liderlik
O'quvchilarimizda liderlik ko'nikmalarini rivojlantiramiz va ularni jamoa oldida o'z fikrlarini erkin ifoda etishga o'rgatamiz.
Mas'uliyat
O'quvchilarimizga o'z harakatlari uchun mas'uliyatni his qilishni va o'z vazifalarini vijdonan bajarishni o'rgatamiz.
Empatiya
O'quvchilarimizga boshqalarning his-tuyg'ularini tushunish va hurmat qilishni o'rgatamiz, bu ularning ijtimoiy munosabatlarini yaxshilaydi.
Intizom
O'quvchilarimizga o'z maqsadlariga erishish uchun intizomli bo'lishni va qiyinchiliklarni yengishni o'rgatamiz.
Bizning maqsadimiz nafaqat bilimli, balki ma'naviy jihatdan yetuk, vatanparvar va global fikrlaydigan avlodni tarbiyalashdir. Bizning qadriyatlarimiz - bu bizning kelajagimiz poydevori.
Xushnudbek Jumaniyozov
Maktab asoschisi
Ota-onalar ishtiroki
"Omon School" maktabida biz ota-onalarni ta'lim jarayoniga faol jalb qilishga harakat qilamiz. Biz ishonchimizki, ota-onalar va maktab o'rtasidagi hamkorlik o'quvchilarning muvaffaqiyatli ta'lim olishida muhim rol o'ynaydi.
Bizning qadriyatlarimizni baham ko'ring
"Omon School" maktabi qadriyatlari bilan tanishdingiz. Agar siz ham bu qadriyatlarni qadrlasangiz va farzandingizning shu qadriyatlar asosida ta'lim olishini istasangiz, bizning maktabimizga tashrif buyuring.